O Magosto

Xa temos as castañas ao lume e estamos rematando coa decoración, pero mentres non están ben feitas ímos a lembrar a Manuel María, poeta galego ao que se lle dedica este ano o Día das Letras Galegas.

O Ourizo

Co seu ouro vello, mol

o ourizo ouriceiro

toma o sol

no pico dun castiñeiro.

Tal un señor moi mandón

o ourizón

no pico dun castiñeiro

tomando o sol moi riseiro

O ourizo está moi ledo

coa súa casa ben pechada

-ouh, que medo!

de espiñas toda cercada.

Quer botar unha risada

e os seus dentes arregaña

case un nada,

e xa fuxiu a castaña...!